U Minsku zatrymali 19‑hadovaha studenta jurfaka. Jon byŭ kurjeram machlaroŭ i pryjechaŭ z Rasii
Małady čałaviek vyrašyŭ palepšyć svajo finansavaje stanovišča i pačaŭ pracavać kurjeram u telefonnych machlaroŭ.
U pačatku červienia jaho «kamandziravali» ŭ Biełaruś. Pryjechaŭšy ŭ Minsk, pa ŭkazańni kuratara zabraŭ 10 tysiač dalaraŭ z tajnika ŭ lesaparkavaj zonie na terytoryi Frunzienskaha rajona. Viadoma, što pad vyhladam dekłaravańnia ich tudy pakłała čarhovaja achviara machlaroŭ.
Junaka zatrymali, u dačynieńni da jaho raspačali kryminalnuju spravu.
— Abvinavačany — student pieršaha kursa Maskoŭskaj jurydyčnaj akademii, raniej da kryminalnaj adkaznaści nie pryciahvaŭsia, — prakamientavaŭ namieśnik prakurora Frunzienskaha rajona Andrej Siarbun.
— Jamu vystaŭlena abvinavačańnie ŭ ździajśnieńni złačynstva, praduhledžanaha č. 3 art. 209 KK (zavałodańnie majomaściu šlacham padmanu i złoŭžyvańnia davieram (machlarstva), učynienaje hrupaj asob i ŭ bujnym pamiery). Vykazać staŭleńnie da abvinavačańnia i dačy pakazańniaŭ admoviŭsia. Škoda paciarpiełaj kampiensavana baćkami abvinavačanaha. U dačynieńni da jaho sankcyjanavana miera strymańnia ŭ vyhladzie zaklučeńnia pad vartu.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej15
Kamientary