Novy miem — čałaviek-vientylatar. Časam navat čałaviek-kandycyjanier
Apošnija miesiacy sacsietki zachapiŭ novy miemny hieroj — vazduchan. Voś što značyć hety prykoł i dzie jon darečny.
«Vazduchan» — hetaje novaje słova vykarystoŭvajuć dla apisańnia bałaboła, vietrahona.
Vazduchan abiacaje zrabić, dapamahčy, navieści paradak, pryčym «žastačajša», ale znachodziacca ŭsio novyja apraŭdańni, čamu hetaha nie ŭdajecca, čamu jamu «nie dajuć».
Asablivuju papularnaść termin atrymaŭ viasnoj 2026 hoda. Karystalnikam spadabałasia, što dla dobra znajomaha typaža źjaviłasia karotkaja i trapnaja nazva. Nieŭzabavie ŭ miemaŭ źjaviŭsia i vizualny simvał — čałaviek-vientylatar.
Ź ciaham času niejrasietki pačali stvarać usio bolš absurdnyja vyjavy vazduchanoŭ. Spačatku jany prosta dźmuli vietram, paśla pačali ŭźnimać u pavietra mašyny, vyklikać urahany i navat razburać płaniety. Tak uźnikła cełaja «ijerarchija» — ad vazduchana zvyčajnaha vopytnaha da vietrahona ŭsich tarnada ŭ suśviecie.
Bałaboł — heta čałaviek, jaki abiacaje pieratelefanavać zaŭtra, viarnuć hrošy na nastupnym tydni abo pačać novaje žyćcio z paniadziełka. I mienavita tamu miem akazaŭsia nastolki paznavalnym.
Psichołahi tłumačać, što takija ludzi nie zaŭsiody śviadoma padmanvajuć. Im prosta chočacca vyhladać bolš paśpiachovymi abo paźbiehnuć niazručnaha «nie». Adnak dla tych, chto im pavieryŭ, vynik ad hetaha nie źmianiajecca.
Mienavita tamu vazduchany tak razdražniajuć inšych ludziej. My štości płanujem, na štości spadziajomsia, marnujem čas, a potym abiacańni zastajucca tolki pavietram.
Miem pra vazduchanoŭ ciapier časta vykarystoŭvajuć nie tolki ŭ videa, ale i ŭ kamientarach.
U TikTok užo pačali źjaŭlacca i śpiecyjalnyja maski. Jany ŭ žartaŭlivaj formie prapanujuć karystalnikam pravieryć, ci nie vazduchan čałaviek i, kali tak, to na kolki pracentaŭ.
Tyktokier prosto_fil01, viadomy vuličnymi apytańniami, niadaŭna sprabavaŭ vyśvietlić u ludziej na vulicy, chto hałoŭny vazduchan Niamihi.
Kali miemy «6-7», «Mangos! Mangos! Mangos!» abo Bambardzira-Krakadziła absurdnyja, to miem pra vietrahonaŭ maje vielmi kankretny źmiest. Heta ściob ź ludziej, čyje słovy razychodziacca sa spravami.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary
U nas jość svoj Bałaboł. Vielmi pryhožaje i zručnaje słova.
Naprykład - Łuka - bałaboł. Źmicier Łukašuk - bałaboł. Kavaleŭski - bałaboł. Knyrovič - bałaboł.
"Pavietra" jość, "vazducha" niama. Usie viadomyja siońnia "vazduchi" ŭ słavianskich movach pryjšli tudy z carkoŭnasłavianskaj (asnovaj dla ruskaj litaraturnaj).
Navošta raz za razam zamacoŭvać svaju druhasnaść? "Dzijana Šuryhina, jakaja stała viadomaj na ŭvieś runet".
Kab być u trendach, padbiary za staršym bratam jahonaje śmiećcie, miemčyki, brudnuju tupieńkuju łajanku.
Nie chapiła "levakoŭ", "sojevych", "dušnić" i h.d.?
Takoje adčuvańnie, što zaraz piatruchinskija dni ŭ kamientyryjach NN, ź niejkaj nahody pajšła admiena Jeŭraradyjo.