Amierykanskaja aktrysa ź filma žachaŭ «Zvanok» pamierła va ŭzroście 35 hadoŭ
Samaja viadomaja rola Dejvi Čejz — u filmie žachaŭ «Zvanok», jana taksama ahučvała dziaŭčynku Liła ŭ multfilmie «Liła i Ścič».
Aktrysa Dejvi Čejz pamierła ŭ aŭtorak ad uskładnieńniaŭ, vyklikanych mieninhitam. Joj było ŭsiaho 35 hadoŭ.
Pra śmierć Čejz vydańniu TMZ paviedamiŭ jaje bojfrend Roj Ernandes, jaki na hetym tydni stvaryŭ staronku GoFundMe dla zboru srodkaŭ na padtrymku chvoraj aktrysy.
«U Dejvi dyjahnastavali mieninhit i niekalki surjoznych infiekcyj kryvi. Jaje stan staŭ krytyčnym, i daktary skazali mnie, što joj, mahčyma, zastałosia niadoŭha žyć», — napisaŭ jon.
Pavodle Ernandesa, infiekcyja kryvi vyklikała septyčnyja ŭskładnieńni i pryviała da admovy orhanaŭ.
Dejvi Elizabiet Čejz naradziłasia 24 lipienia 1990 hoda ŭ Łas-Viehasie. Svaju karjeru dziciačaj aktrysy jana pačała ŭ siamihadovym uzroście, zdymajučysia ŭ rekłamie i vystupajučy na scenie.
Pačała zdymacca z vaśmi hadoŭ — «Sabryna», «Maleńkaja viedźma», «Začaravanyja», «Chutkaja dapamoha».
Sapraŭdny praryŭ adbyŭsia ŭ 2002 hodzie, kali jana ahučyła Liła ŭ multfilmie «Liła i Ścič». Paśla Čejz praciahvała ahučvać hierainiu ŭ sikviełach i telesieryjale, jaki vychodziŭ u 2003—2006 hadach.
U 2002 hodzie Dejvi źniałasia ŭ chicie žanru žachaŭ «Zvanok» Hora Vierbinski, jaki potym zdymie «Pirataŭ Karybskaha mora».
Vy, napeŭna, pamiatajecie jaje hierainiu — Samaru Morhan — doŭhavałosuju dziaŭčynku ŭ biełaj sukiency sa śmiarotnymi zvyšnaturalnymi zdolnaściami — jana stała samym paznavalnym piersanažam filma. Za hetuju rolu Čejz atrymała ŭznaharodu MTV Movie Award jak najlepšaja zładziejka.
Paśla ŭdziełu ŭ niekalkich prajektach u siaredzinie 2010‑ch hadoŭ Čejz u značnaj stupieni adyšła ad akciorskaj dziejnaści.
Roj Ernandes zhadvaŭ pra ciažkaści, ź jakimi jana sutyknułasia ŭ žyćci, u tym liku pra ździeki, kanflikty ź siamjoj i prablemy sa zdaroŭjem.
-
U rasijskaj franšyzie pra chałopaŭ vyjšaŭ novy film — jaho hladziać i ŭ Biełarusi
-
Šalona papularny karejski sieryjał ad Netflix pra školny bulinh — chto ździekavaŭsia z adnakłaśnikaŭ, pavinien prajści praz takoje ž prynižeńnie
-
Biełarusy z Polščy pabyli ruskimi ŭ filmie, jaki ŭziaŭ pryz u Kanach. Stužcy praročać naminacyju na «Oskar»
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary