Maksimalnyja 400 bałaŭ nabrali vypuskniki z Baranavičaŭ, Śvietłahorska i Lidy
Stała viadoma pra pieršych vypusknikoŭ, jakija nabrali rekordny vynik pa vynikach CE, CT i siaredniaha bała atestata. Vypuskniki ŭ Baranavičach, Śvietłahorsku i Lidzie nabrali pa 400 bałaŭ — heta maksimalny vynik z usich mahčymych, piša Times.by.
Alaksiej Pleškunoŭ sa Śvietłahorska atrymaŭ «sotki» na CE pa fizicy i ruskaj movie i na CT pa matematycy. U vypusknika himnazii — załaty miedal i adny dziasiatki ŭ atestacie, piša «Nastaŭnickaja hazieta». Junak płanuje stać prahramistam i pastupać u Biełaruski dziaržaŭny ŭniviersitet na fakultet prykładnoj matematyki i infarmatyki.
U Baranavičach rekordnyja 400 bałaŭ pakul u dvuch vypusknikoŭ, piša rajonnaja hazieta «Naš kraj». Heta vypusknik liceja № 1 Raman Jacuk. U jaho, akramia załatoha miedala, «sotki» pa ruskaj movie, fizicy i matematycy. Małady čałaviek zachaplajecca prahramavańniem. A ŭ vypusknicy baranavickaj siaredniaj škoły № 19 Uljany Huścinovič taksama 400 bałaŭ. Dziaŭčyna atrymała maksimalny vynik na CE pa chimii i ruskaj movie i na CT pa bijałohii.
Jašče adzin rekardsmien — vypusknik siaredniaj škoły № 17 Lidy Kirył Kaskievič. U jaho pa 100 bałaŭ na CE pa ruskaj movie, fizicy i CT pa matematycy, pišuć «Pryniomanskija vieści». Junak choča stać prahramistam i płanuje pastupać u Biełaruski dziaržaŭny ŭniviersitet infarmatyki i radyjoelektroniki na fakultet kampjutarnych sistem i sietak, na prahramnuju inžynieryju.
Stała viadoma, kali abituryjenty zmohuć atrymać siertyfikaty CT
Prachadnyja bały dla pastupleńnia ŭ VNU sioleta pavialičacca
Dziaržaŭnyja movy na 100 bałaŭ zdali bolš za 1400 čałaviek. Bolš čym na 90% heta ruskaja
Anulavali vyniki na CT školnaha vydatnika, jaki apublikavaŭ fotazdymki testavych zadańniaŭ
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary