Hurnievič zaklikaŭ padpisać pietycyju za ŭstalavańnie BČB-ściaha na Hrunvaldskim poli
Žurnalist Dźmitryj Hurnievič źviarnuŭ uvahu na hramadskuju inicyjatyvu — zvarot da kiraŭnictva Muzieja Bitvy pad Hrunvaldam z prośbaj ustalavać na terytoryi miemaryjalnaha kompleksu bieł-čyrvona-bieły štandar.
Siońnia na Hrunvaldskim poli łunajuć dziaržaŭnyja ściahi Polščy, Litvy i Ukrainy, adnak biełaruskaja simvolika, niahledziačy na kałasalny histaryčny ŭkład našych prodkaŭ u supolnuju pieramohu 1410 hoda, tam adsutničaje.
Aŭtary pietycyi nahadvajuć, što charuhvy Vialikaha Kniastva Litoŭskaha, sfarmavanyja na biełaruskich ziemlach — u Połacku, Viciebsku, Navahradku, Hrodnie, Miensku i inšych haradach, — zmahalisia suprać Teŭtonskaha ordena naroŭni z sajuźnikami.
Ustalavańnie BČB-ściaha, pad jakim biełarusy abviaścili svaju dziaržaŭnaść u 1918 hodzie, adnavili niezaležnaść u 1991 hodzie, jaki ŭ 2020 hodzie staŭ simvałam mirnaha pratestu suprać falsifikacyi vybaraŭ i dyktatury, aŭtary nazyvajuć aktam histaryčnaj spraviadlivaści. A taksama znakam salidarnaści ŭ čas, kali biełaruski narod pieražyvaje pryhniot dyktatury i ideałohii ruskaha śvietu.
Dźmitryj Hurnievič nazvaŭ hetuju inicyjatyvu «vielmi tałkovaj», adnak vykazaŭ ździŭleńnie nizkaj aktyŭnaściu suajčyńnikaŭ.
Pavodle jaho słoŭ, pry najaŭnaści sotniaŭ tysiač biełarusaŭ u Polščy pietycyju na momant publikacyi padpisali ŭsiaho kala 200 čałaviek.
Žurnalist zaklikaŭ da masavaj padtrymki zvarotu i adznačyŭ, što było b idealna, kab podpisy pad im pastavili i viadomyja biełaruskija palityki, jakija zaraz znachodziacca ŭ Polščy, uklučajučy Zianona Paźniaka, Śviatłanu Cichanoŭskuju, Paŭła Łatušku i Andreja Sańnikava.
Sam Hurnievič pietycyju nie tolki ŭžo padtrymaŭ, ale i paabiacaŭ dadatkova źviazacca z kiraŭnictvam muzieja pa telefonie, kab asabista ahučyć hetuju prośbu.
-
Z asudžanaha za špijanaž znajomaha Volhi Karač u turmie vymahali hrošy. A jon chvaliŭsia, što moža dastać ich u pasolstvie Biełarusi
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Ruś tam užo pradstaŭlena. Našto jašče?