Labiedźka: Ryhoni łabiruje intaresy machlaroŭ i falsifikataraŭ
Staršynia AHP pra pryjezd śpiecdakładčyka PARIE Andrea Ryhoni.
«Metaj pryjezdu A.Ryhoni ŭ Minsk źjaŭlajecca źmiakčeńnie situacyi vakoł namieru viarnuć status śpiecyjalna zaprošanych u PARIE dla deputataŭ pryznačanaj pałaty pradstaŭnikoŭ», — ličyć staršynia AHP Anatol Labiedźka.
«Situacyja nieadnaznačnaja. Spadar Ryhoni, jak pakazała praktyka, lohka paddajecca čaram i pryvabnaści biełaruskich uładaŭ i, jak vynik, mianiaje pazicyju jak dama palčatki», — skazaŭ palityk.
Pa słovach Labiedźki, namier viarnuć status śpiecyjalnaha zaprašeńnia — heta «palityčny skandał». «Machlaroŭ chočuć pasadzić pobač z demakratyčna abranymi deputatami. Niachaj heta i zadnija šerahi zali pasiadžeńniaŭ», — havoryć lider AHP.
«Atrymlivajecca, što spadar Ryhoni łabiraje intaresy machlaroŭ i falsifikataraŭ.Aficyjny Minsk nie vykanaŭ nijakich umovaŭ, kab status byŭ adnoŭleny. Zajavy, kali nie budzie prahresu, to praz hod znoŭ zamaroziać, vyklikajuć tolki ŭśmiešku», — padsumoŭvaje A.Labiedźka.