U Smarhoni mužčyna abliŭ kipniem ź pialmieniami dvuchhadovuju padčarku
Zdareńnie adbyłosia ŭ adnoj z kvater na vulicy Jubilejnaj. U hetaha mužčyny jość žonka i ahulnaje dzicia, u žančyny jašče dźvie dački ad pieršaha šlubu, piša kraj.by.
Zdareńnie adbyłosia 8 sakavika, kali baćka hetych dziaŭčynak pryjšoŭ pavinšavać byłuju žonku i ich sa śviatam.
U vyniku na kuchni pamiž mužčynami zaviazaŭsia kanflikt. Ciapierašni muž byŭ pjany. Jon udaryŭ u tvar byłoha muža žonki, kali toj trymaŭ na rukach svaju 2-hadovuju dačku. Paśla hetaha abvinavačany ŭziaŭ na plicie rondal, dzie varylisia pialmieni, i pluchnuŭ na abaich kipniem.
Mužčyna z dačkoj atrymali termičnyja apioki. U jaho abpalenyja ruki, u dziaŭčynki — hrudzi i žyvot.
Abvinavačany ŭžo maje niepahašanuju sudzimaść za niavypłatu alimientaŭ. Miera strymańnia da jaho pakul nie abirałasia.