Milinkievič sustreŭsia sa staršyniom Jeŭraparłamienta
Lider Ruchu «Za Svabodu» zaprasiŭ Ježy Buzka na Biełaruski Jeŭrapiejski forum, što adbudziecca ŭvosień.
Lider ruchu «Za Svabodu» zaprasiŭ Ježy Buzka na Biełaruski Jeŭrapiejski forum, što adbudziecca ŭvosień.
U subotu 8 žniŭnia ŭ miastečku Nidzica adbyłasia sustreča pamiž lideram Ruchu «Za Svabodu» Alaksandram Milinkievičam i staršynioju Jeŭraparłamientu Ježy Buzkam.
Palityki abmierkavali ekanamičnuju i palityčnuju situacyju ŭ Biełarusi, pytańni pravoŭ čałavieka, palityčnych viaźniaŭ, stan ŚMI i hramadzianskaj supolnaści, prablemy rehistracyi palityčnych partyjaŭ i NDA, a taksama pierśpiektyvy supracoŭnictva biełaruskich prajeŭrapiejskich siłaŭ ź Jeŭraparłamientam.
Alaksandr Milinkievič raspavioŭ pra mety, zadačy i padrychtoŭku da Biełaruskaha Jeŭrapiejskaha Forumu. Jon taksama zaprasiŭ Buzka na Forum u jakaści hanarovaha zamiežnaha hościa.
Siońnia lider Ruchu «Za Svabodu» praviadzie šerah pracoŭnych sustrečaŭ u Varšavie.