Praz tydzień – «Biełaja Vieža»
Najbujniejšy biełaruski teatralny forum projdzie ŭ Breście ŭ 14 raz.
Na nastupnym tydni ŭ Breście raspačniecca Mižnarodny fiestyval «Biełaja Vieža». Najbujniejšy biełaruski teatralny forum projdzie 5‑12 vieraśnia, u 14 raz.
Sioleta fiestyval – pryśviečany 200‑hodździu Mikałaja Hohala. Tamu konkursnaja častka budzie pradstaŭlena najpierš dramaturhijaj hetaha kłasika, a taksama ajčynnymi i suśvietnymi aŭtarami. Arhanizatary abiacajuć, što budzie «saundrama pa tvorach Hohala, kamiedyja, dramatyčnaja bałada, detektyŭ‑šoŭ, interhalny stryptyz, sučasnaja chareahrafija i kałaž minijaciur, lalečnyja i muzyčnyja śpiektakli dla dziaciej, vuličnyja pastanoŭki».
U fiestyvali zapłanavany ŭdzieł 28 teatraŭ z 13 krain. Samyja ekzatyčnyja Vieniesueła, Brazilija, Nihieryja, Iran. Biełaruś pradstaviać dzieviać teatralnych kalektyvaŭ.
Zakončycca «Biełaja Vieža» hała‑kancertam z udziełam opiernych vykanaŭcaŭ.