Cichanoŭskaja prosić Šviejcaryju arhanizavać pieramovy pa vyzvaleńni palitviaźniaŭ
Lidarka biełaruskich demakratyčnych sił Śviatłana Cichanoŭskaja źviarnułasia da Šviejcaryi z prośbaj ab sadziejničańni ŭ vyzvaleńni biełaruskich palitviaźniaŭ. Pra heta jana kazała 18 studzienia na sustrečy z prezidentam Nacyjanalnaj rady Šviejcaryi Marcinam Kandzinasam u Davosie, paviedamlaje pres-słužba Cichanoŭskaj.
Na sustrečy Cichanoŭskaja raspaviała pra situacyju z palitviaźniami ŭ Biełarusi i paprasiła dapamahčy arhanizavać dyjałoh pa ich vyzvaleńni pry pasiarednictvie Šviejcaryi.
Akramia taho, lidarka demsił paprasiła Kandzinasa razhledzieć mahčymaść vydzialeńnia Šviejcaryjaj dapamohi represavanym, a taksama dałučeńnia da sankcyj suprać siłavikoŭ i sudździaŭ, jakija prymali ŭdzieł u represijach i padtrymlivajuć vajnu.
Varta nahadać, što pry pasiarednictvie Šviejcaryi ŭ lutym minułaha hoda ŭžo była vyzvalena palitźniavolenaja Natalla Chierše, jakaja maje jak biełaruski, tak i šviejcarski pašparty. Hetamu papiaredničali nakiravańnie ambasadara Kryścin Choniehier-Załatuchin u Biełaruś i ŭručeńnie Alaksandru Łukašenku davierčych hramat.