Futbolnuju zbornuju letam prytulić Budapiešt

Biełaruskaja fiederacyja futboła (ABFF) nazvała miesca praviadzieńnia dvuch červieńskich matčaŭ nacyjanalnaj zbornaj kvalifikacyi Jeŭra-2024.

Fota z sajta ABFF

Dasiahnutaja damoŭlenaść ź vienhierskaj fiederacyjaj futboła ab praviadzieńni ŭ červieni dvuch chatnich adboračnych matčaŭ zbornaj Biełarusi. Jany projduć u Budapiešcie na stadyjonie «Fierenc Susy».

16 červienia biełaruskaja kamanda zhulaje ź Vienhryjaj, a 19 červienia z Kosava.

Paśla pačatku vajny va Ukrainie, zhodna z rašeńniem UEFA, chatnija matčy zbornaj prachodziać na niejtralnaj terytoryi i biez dopusku zaŭziataraŭ na trybuny. 

Pierad hetym zbornaja Biełarusi ŭ jakaści chatniaha stadyjona vykarystoŭvała stadyjon u Novi-Sadzie (Vajvodzina, Sierbija).

Biełarusy niaŭdała startavali ŭ adboračnym turniry. Spačatku jany byli razhromlenyja Šviejcaryjaj (0:5), a zatym prajhrali Rumynii (1:2).

Čytajcie taksama:

Lijanela Miesi adchilili ad matčaŭ PSŽ. Kiraŭnictva kłuba aburyłasia jahonymi pavodzinami i nie źbirajecca praciahvać kantrakt

Losam «niadobranadziejnych» futbalistaŭ, jakich nie dapuskajuć da ŭdziełu ŭ čempijanacie Biełarusi, zajmajecca kamisija pa palityčnych uciekačach — «Trybuna»

ABFF nie viedaje, što rabić z «Šachcioram». A pryniać rašeńnie treba ciaham tydnia

Kamientary da artykuła