Biełaruskija prapahandysty zabłytalisia ŭ svastycy i internet-miemie
Dziaržhazieta «Biełaruś siehodnia» ŭ materyjale pra hazvahieny, jakija vykarystoŭvalisia ŭ Biełarusi ŭ hady Druhoj suśvietnaj vajny, čamuści apublikavała fota, jakoje składana nazvać histaryčnym, zaŭvažyŭ Reform.by.
Hazvahien z materyjału «Biełaruś siehodnia»
Na fota adlustravana mašyna-dušahubka z naniesienym na jaje łahatypam «hramar-nacy» — tak žartam nazyvajuć ludziej, jakija vielmi lubiać vypraŭlać čužyja hramatyčnyja pamyłki. Łahatyp ujaŭlaje saboj łacinskuju litaru «G», stylizavanuju pad svastyku. Naturalna, u hady vajny takoha łahatypa nie isnavała.
U internecie možna znajści i aryhinalnaje fota hazvahiena. Nijakich litar «G» na im niama.
Hazvahien. Aryhinalnaje fota
Navošta haziecie spatrebiłasia falsifikavać histaryčnaje fota i zajmacca fotašopam, nie dajučy nijakich tłumačeńniaŭ čytačam, zastajecca zahadkaj.