Biełaruś uzmacniła miažu srodkami radyjoelektronnaj baraćby — śpiecsłužby Ukrainy
Centr nacyjanalnaha supracivu, jaki źviazvajuć z ukrainskaj vajskovaj raźviedkaj i Siłami śpiecyjalnych apieracyj Ukrainy, paviedamiŭ, što Biełaruś nibyta nabyła ŭ Rasii i pačała ŭstaloŭvać na svajoj miažy sistemy nazirańnia typu «Muram-P» i «Muram-M», a taksama stancyi radyjoelektronnaj baraćby.
Fota: topwar.ru
«Dla trenirovak i instruktažu ŭ Biełaruś prybyli śpiecyjalisty z Uzbrojenych sił Rasii i ad vytvorcaŭ. Asnoŭnaja meta — navučyć biełaruskich vajskoŭcaŭ supraćstajać bieśpiłotnikam», — adznačajecca ŭ paviedamleńni.
Kompleks «Muram-P» — sistema kruhłasutačnaha videa-ciepłavizijnaha nazirańnia, kantrolu i achovy adkrytych učastkaŭ miascovaści, a «Muram-M» dazvalaje źbirać źviestki na luboj miascovaści ciaham tryvałaha času, najpierš — žyvoj siły i techniki na vialikaj adlehłaści. Asablivaść hetych kompleksaŭ — ich možna razharnuć ciaham usiaho dźviuch hadzin, a dla ich absłuhoŭvańnia patrebnyja raźliki ŭ składzie tolki troch vajskoŭcaŭ.
Čytajcie taksama:
Pytańnie pra płot na miažy ź Biełaruśsiu vyniesuć na refierendum u Polščy
Na miažy ź Biełaruśsiu Polšča stvoryć vajskovuju častku
Polskaja armija pačała na miažy ź Biełaruśsiu apieracyju Rengaw