U Minsku adkryjecca novaja krama niamieckaha brenda adzieńnia
U siaredzinie hetaha hoda ŭ novym handlovym centry «Červieński» adkryjecca krama niamieckaha brenda New Yorker. Heta, vidać, pieršy vypadak ź lutaha 2022 hoda, kali zachodniaja kampanija svaju dziejnaść u Biełarusi nie źmianšaje, a pašyraje, zaŭvažyła «Lusterka».
Zdymak ilustracyjny. Fota: Jandeks
U červieni hetaha hoda na miescy, dzie kaliści byŭ Červieński rynak, zapracuje adnajmienny handlovy centr. Pakul viadoma tolki ab dvuch kramach, jakija ŭ im buduć. Heta hipiermarkiet Green, a taksama viadomy brend niedarahoha paŭsiadzionnaha maładziožnaha adzieńnia New Yorker.
Pieršaja krama New Yorker u Biełarusi adkryłasia viasnoj 2019 hoda paśla niekalkich niaŭdałych sprobaŭ. Ciapier brend maje try kramy ŭ Minsku i adzin u Hrodnie. Z 2022 hoda zapracavaŭ taksama handlovy punkt u adnym z HC u Viciebsku. Prasoŭvaje sietku ŭ našaj krainie kampanija «ŃjuFešn».
Čytajcie taksama:
Na miescy byłoha «Vitalura» na Paŭdniovym Zachadzie adkryŭsia novy Green. Voś jak tam ciapier