U Kazachstanie zatrymali karakałpakskaha aktyvista Akyłbieka Muratbaja
Aktyvista zatrymali na zapyt uźbiekskich uładaŭ, a zatrymańnie pravodziłasia z udziełam supracoŭnika MUS Uźbiekistana.
U Ałmaty zatrymali karakałpakskaha aktyvista Akyłbieka Muratbaja. Pra heta jon paviedamiŭ na svajoj staroncy ŭ sacyjalnaj sietcy X, piša «Nastojaŝieje vriemia».
«15 lutaha ŭ 22.00 ja byŭ zatrymany supracoŭnikami MUS pa daručeńni inšych uładaŭ za svaju dziejnaść, kali viartaŭsia dadomu. Spadziajusia na dapamohu inšych aktyvistaŭ i pravaabaroncaŭ», — napisaŭ Muratbaj.
Pravaabarončaja arhanizacyja Freedom for Eurasia, jakaja bazujecca ŭ Vienie, paćviardžaje jaho zatrymańnie. Śćviardžajecca, što aktyvista zatrymali na zapyt uźbiekskich uładaŭ, a zatrymańnie pravodziłasia z udziełam supracoŭnika MUS Uźbiekistana Muchamiedyna Bajmurzajeva.
Jamu staviać u vinu artykuły ab «vyrabie, zachoŭvańni, raspaŭsiudžvańni abo demanstracyi materyjałaŭ, jakija źmiaščajuć pahrozu hramadskaj biaśpiecy» i zamachu na kanstytucyjny ład, paviedamlaje kazachskaja słužba Radyjo Svaboda.
Ułady Kazachstana zatrymańnie Akyłbieka Muratbaja pakul nie kamientavali.
Uletku 2022 hoda ŭ Karakałpakstanie vybuchnuli pratesty, jakija byli žorstka zadušany. Ludzi pratestavali suprać płanaŭ Taškienta pazbavić Karakałpakastan aŭtanomii.
Čytajcie taksama:
Karakałpakstan kančatkova zamiryli, nadzvyčajnaje stanovišča admieniena
Pucin padtrymaŭ prezidenta Uźbiekistana ŭ žorstkim zadušeńni pratestaŭ u Karakałpakstanie
Padčas pratestaŭ u Karakałpakstanie zahinuli 18 čałaviek
Padčas pratestaŭ va Uźbiekistanie byli achviary — kolkaść zahinułych i paciarpiełych nie nazyvajecca