Raŭbičy, «Mienskaja łyžnia» — 20 lutaha

Dadatkovy aŭtobusny maršrut, a taksama časovyja parkoŭki buduć vydzieleny ŭ suviazi sa spartyŭnym śviatam «Minskaja łyžnia — 2010», jakoje projdzie ŭ Raŭbičach 20 lutaha na bazie respublikanskaha centra alimpijskaj padrychtoŭki. Ab hetym paviedamili va UDAI UUS Minabłvykankama.

Dadatkovy maršrut aŭtobusa numar 449 budzie adpraŭlacca z aŭtavakzała «Maskoŭski» pa maršrucie stancyja mietro «Uschod» — Karbyšava — RCAP «Raŭbičy». U suviazi sa śviatam čakajecca vialiki patok mašyn, tamu Dziaržaŭtainśpiekcyja rekamienduje skarystacca hramadskim transpartam.

Jak adznačyli ŭ DAI, na ŭčastku aŭtadarohi R-80 (Słabada — Papiernia) ad RCAP «Raŭbičy» da vioski Akolica dla aŭtamabilnaha transpartu budzie arhanizavany adnabakovy ruch ŭ napramku da miemaryjalnaha kompleksu «Kurhan Słavy». Parkoŭka asabistaha transpartu praduhledžana ŭzdoŭž aŭtadarohi R-80 na ŭmacavanych abočynach i budzie abaznačana adpaviednymi znakami. Ruch maršrutnaha transpartu budzie ažyćciaŭlacca ŭ abodvuch napramkach.

Kamientary da artykuła