Łukašenka pahadziŭsia stvaryć polska-biełaruskuju kamisiju ŭ spravie SPB
Ab hetym sa spasyłkaj na polskaje MZS paviedamlaje «Gazeta Wyborcza».
Siońnia ŭ Kijevie ministr zamiežnych spraŭ Polščy, Radasłaŭ Sikorski, sustreŭsia spačatku sa svaim biełaruskim kaleham S.Martynavym, a potym i z kiraŭnikom Biełarusi, A.Łukašenkam.
Padčas sustrečy Łukašenka vykazaŭ zhodu sumiesna razabracca ŭ situacyi z SPB i pahadziŭsia stvaryć
Pavodle «Gazety Wyborczej», isnuje dva płany raźvićcia padziej. Pieršy praduhledžvaje lehalizacyju SPB na čale z Borys. U takim vypadku ŭ Biełarusi aficyjna źjavicca dva sajuzy palakaŭ. Pavodle druhoha varyjanta, adbudziecca pieradzieł majomaści aficyjnaha SPB, častku jakoj pieradaduć nieaficyjnaj arhanizacyi na čale z A.Borys.
Usie pieramovy polskaha MZS ź biełaruskim bokam vialisia ŭ režymie non paper — biez padpisańnia aficyjnych dakumientaŭ.
U svaju čarhu łukašenkaŭskaje ahienctva BIEŁTA piša, što «Alaksandr Łukašenka pierakanany ŭ paśpiachovym vyrašeńni situacyi vakoł Sajuza palakaŭ na Biełarusi. Takuju pazicyju jon paćvierdziŭ siońnia ŭ Kijevie, adkazvajučy na pytańni žurnalistaŭ».