U ispanskich Pireniejach adbyłasia avaryja łyžnaha padjomnika, dziasiatki paciarpiełych

30 čałaviek atrymali ranieńni, prytym stan 17 aceńvajecca jak ciažki abo vielmi ciažki, u vyniku avaryi na kresłavym padjomniku na harnałyžnym kurorcie Astun ŭ ispanskich Pirenejach. Incydent adbyŭsia ŭ subotu ranicaj, piša Euronews.

Fota: X

Jak miarkujuć ispanskija ŚMI, złamałasia adna sa spražak u kancy padjomnika. U vyniku, jak paviedamlajuć vidavočcy, kresły stali mocna razhojdvacca ŭvierch i ŭniz, niekatoryja pry hetym bilisia ab ziamlu.

Paviedamlajecca, što dzieviać paciarpiełych znachodziacca ŭ vielmi ciažkim stanie, vosiem — u ciažkim.

Colaboramos en las tareas de auxilio tras un accidente en la estación de esquí de Astún (Huesca) donde se ha descolgado una línea de telesilla de 15 metros de altura. Participan guardias civiles del Grupo de Rescate e Intervención en Montaña, Servicio Aéreo y Seguridad Ciudadana… pic.twitter.com/weioCLGGOc

— Guardia Civil (@guardiacivil) January 18, 2025

Dla akazańnia ekstranaj dapamohi byli zadziejničany čatyry viertaloty. Adna žančyna, jakaja ličycca najbolš ciažkoj pacyjentkaj, pieraviezienaja na viertalocie ŭ balnicu ŭ Sarahosie.

Harnałyžny kurort byŭ całkam evakuiravany i zakryty. Premjer-ministr Ispanii Pedra Sančes vykazaŭ słovy padtrymki paciarpiełym i zajaviŭ, što šakavany hetaj navinoj. 

Kamientary da artykuła