U Hiermanii mužčyna začapiŭsia za ciahnik i 20 chvilin jechaŭ z chutkaściu 280 kiłamietraŭ u hadzinu
40-hadovy mužčyna vyžyŭ paśla taho, jak prajechaŭsia zvonku chutkasnaha ciahnika ŭ Hiermanii. Jon vypadkova apynuŭsia na aŭtasčepcy pamiž vahonami, paviedamlaje The Guardian.
Pasažyr, jaki pryjechaŭ ź Vienhryi, kuryŭ na płatformie ŭ Bavaryi, kali dźviery ciahnika začynilisia, u vyniku jon vyrašyŭ zaskočyć na aŭtasčepku. Paźniej jon patłumačyŭ palicejskim, što advažyŭsia na hety adčajny ŭčynak z-za bahažu, jaki zastaŭsia ŭ vahonie.
Havorka idzie pra ciahnik Intercity Express, jaki idzie praz usiu krainu — ź Miunchiena ŭ Lubiek. Mužčyna na praciahu 20 chvilin jechaŭ zvonku ciahnika z chutkaściu 280 kiłamietraŭ u hadzinu. Prajechaŭšy tak 32 kiłamietry, vidavočcy zaŭvažyli pasažyra i paviedamili ekipažu.
Palicyja ŭdakładniaje, što ŭ mužčyny nie było dziejnaha bileta. Suprać jaho viaduć rasśledavańnie adnosna bieźbiletnaha prajezdu i dziejańniach, jakija parušajuć narmalnuju pracu pradpryjemstva.
Pasažyraŭ zaklikali paźbiahać padobnych «niebiaśpiečnych dla žyćcia hłupstvaŭ».
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary