Łukašenka palacieŭ u Aziju dziela prajektaŭ na dziasiatki miljonaŭ dalaraŭ
Kiraŭnik administracyi Alaksandra Łukašenki Dźmitryj Kruty zajaviŭ, što praciahłaja pajezdka palityka ŭ krainy Uschodniaj i Paŭdniova-Uschodniaj Azii źviazana z padrychtoŭkaj maštabnych ekanamičnych prajektaŭ.
Pavodle słoŭ Krutoha, hetyja vizity rychtavalisia niekalki miesiacaŭ, a niekatoryja — jašče z kanca minułaha hoda.
Jon adznačyŭ, što Biełaruś maje šerah pierśpiektyŭnych prajektaŭ z krainami rehijona na dziasiatki miljonaŭ dalaraŭ, i tamu ich abmierkavańnie adbyvajecca na prezidenckim uzroŭni.
Kruty taksama zaklikaŭ nie šukać siensacyj u praciahłaj zamiežnaj pajezdcy, padkreśliŭšy, što heta płanamiernaja praca. Jon paviedamiŭ, što apošnija dni Łukašenka vyvučaŭ materyjały, unosiŭ karektyvy i rychtavaŭsia da pieramoŭ.
Pavodle aficyjnaj infarmacyi, padčas pajezdki Alaksandr Łukašenka naviedaje pakul nie nazvanyja try krainy Uschodniaj i Paŭdniova-Uschodniaj Azii, dzie zapłanavanyja sustrečy z kiraŭnictvam dziaržaŭ i abmierkavańnie bujnych prajektaŭ u roznych śfierach supracoŭnictva.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Łuka pajechaŭ praviarać hrošy svajho vyvadka jakija jen ź siamiejkaj skrali ŭ Biełarusi i jaje narodu.
I ličba nie na miljeny, a na miljardy.