Paśla padaražańnia prajezdu maršrutka ŭ aeraport Minsk kaštuje ŭ dva razy tańniej, čym aŭtobus. Jak takoje atrymałasia?
Siońnia ŭ Minsku znoŭ padaražaŭ prajezd u hramadskim transparcie, i vydańnie Blizko.by piša, da jakoha kazusu pryviała supiarečnaść pamiž roznymi ŭviedzienymi napiaredadni čynoŭnikami praviłami.
Fota ilustracyjnaje
U kasach užo vyviesili novyja ceńniki, a na sajcie «Minsktransa» abnaviŭsia fajł z taryfami.
Akramia inšaha, padraśli taryfy dla pryharadnych aŭtobusaŭ:
- u zvyčajnych rehularnych znosinach u pamiery 0,14 biełaruskaha rubla;
- u chutkasnych rehularnych znosinach u pamiery 0,16 biełaruskaha rubla;
- u ekspresnych rehularnych znosinach u pamiery 0,17 biełaruskaha rubla.
Taksama ŭstanavili hraničnyja maksimalnyja taryfy na maršrutki (aficyjna heta nazyvajecca «haradskija pieravozki pasažyraŭ i ručnoj pakłažy aŭtobusami katehoryi M2 u ekspresnych rehularnych znosinach»):
- u pamiery 3,30 biełaruskaha rubla za adnu pajezdku z padatkam na dadanuju vartaść;
- u pamiery 5,00 biełaruskich rubloŭ za adnu pajezdku z padatkam na dadanuju vartaść pry ažyćciaŭleńni pieravozak pasažyraŭ u harady-spadarožniki h. Minska.
I voś praz hetyja hraničnyja taryfy na maršrutku zdaryŭsia dziŭny kazus.
Ź Minska ŭ Nacyjanalny aeraport Minsk chodziać aŭtobus №300 (tut pracuje vialiki aŭtobus MAZ-203 abo MAZ-251), a taksama maršrutka №1400. Dahetul prajezd u ich kaštavaŭ prykładna adnolkava (maršrutka krychu daražej).
Prajezd u aŭtobusie №300 «Minsktransa» zastaŭsia pryviazanym da kiłamietražu dla pryharadnych maršrutaŭ: za 45 kiłamietraŭ darohi treba addać 7,6 rubla (pa 17 kapiejek za 1 km).
A voś cana kvitka ŭ maršrutcy ciapier abmiežavanaja hraničnym taryfam dla horada. Tamu prajezd u maršrutcy №1400 pieravozčyka «Beci Trevieł» kaštuje 3,3 rubla.
Heta značyć, dajechać da aeraporta na maršrutcy možna ŭ 2,3 raza tańniej, čym na aŭtobusie.
Ciapier cikava budzie daviedacca, nakolki novaja cana prajezdu ŭ maršrutcy ŭkładajecca ŭ sabiekošt prajezdu i ci šmat pasažyraŭ vybieruć aŭtobus, dzie treba zapłacić udvaja bolš.
Čytajcie taksama:
U Minsku ŭviali maksimalny košt prajezdu ŭ maršrutkach
Prajezd u minskaj maršrutcy, što mieŭsia padaražeć da piaci rubloŭ, budzie kaštavać mieniej
U minskim mietro čałaviek zachacieŭ nabyć adrazu 3 tysiačy žetonaŭ
U čatyroch abłaściach Biełarusi vyraśli ceny na prajezd hramadskim transpartam
Paśla Minska košt prajezdu ŭ hramadskim transparcie padaražeje i ŭ rehijonach