Prajezd u minskaj maršrutcy, što mieŭsia padaražeć da piaci rubloŭ, budzie kaštavać mieniej
Na minułym tydni stała viadoma, što staličnaja maršrutka №1183 («Aŭtazavodskaja» — «Ždanovičy») pavialičyć košt prajezdu adrazu na 43%: z troch rubloŭ 50 kapiejek da 5 rubloŭ.
Paśla hetaha pieravozčykam zacikavilisia padatkovaja słužba i Transpartnaja inśpiekcyja. I voś vynik: prajezd u maršrutcy budzie kaštavać čatyry rubli, pišuć «Minsk-Naviny».
Adpaviednyja orhany vyvučyli, ci abhruntavana pavialičyłasia cana prajezdu. Bo ceny na maršrutnaje taksi ŭ horadzie rehulujucca, a rentabielnaść pieravozak nie pavinna pieravyšać 15%.
— U ramkach praviadzieńnia manitorynhu pavieličeńnia taryfu na prajezd u maršrutcy 1183 vyjaŭleny nieabhruntavanyja pavieličeńni pa artykułach vydatkaŭ. Z 4 sakavika košt maršrutki źnižany z 5 da 4 rubloŭ. Pa vynikach piaci miesiacaŭ hetaha hoda dadatkova buduć praanalizavany artykuły vydatkaŭ pa pradstaŭlenaj płanovaj kalkulacyi, — raskazała namieśnik staršyni kamiteta ekanomiki Miharvykankama Volha Lavoška.
Jana źviarnuła ŭvahu na toje, čamu pasažyry abaviazany apłacić pajezdku i mieć pry sabie ček, jaki paćviardžaje fakt raźliku za prajezd.
U Minsku pracujuć bolš za 60 pryvatnych pieravozčykaŭ, jakija absłuhoŭvajuć paŭsotni maršrutaŭ. Kali kiroŭcy akažucca niesumlennymi i buduć brać najaŭnyja ad ludziej, ale nie buduć vydavać čeki, takaja situacyja moža pryvieści da taho, što maršrut dla pieravozčyka stanie stratnym, a heta moža skončycca pavyšeńniem koštu prajezdu.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?3
Kamientary