Prajezd u adnoj ź minskich maršrutak padaražeje da piaci rubloŭ
U sacsietcy Threads apublikavali zdymki: adna minskaja maršrutka vyrašyła padvysić košt prajezdu. Z 1 sakavika za prajezd z kanca ŭ kaniec treba budzie zapłacić užo 5 rubloŭ.
Havorka idzie pra maršrutku №1183 «Aŭtastancyja Aŭtazavodskaja — Ždanovičy», jakaja prachodzić litaralna praz uvieś horad, piša Blizko.by.
Pasažyry pišuć, što z sakavika 2025 hoda i dahetul — heta značyć ceły hod — prajezd kaštavaŭ 3,5 rubla. Ciapier ža daviadziecca zapłacić 5 rubloŭ, što adrazu na 42% bolš.
Za prajezd na ŭčastku ad Kamiennaj Horki da Ždanovičaŭ treba budzie zapłacić 2 rubli.
- — Źbirajeciesia čaćviora ranicaj na prypynku — i na taksi.
- — 1183 — samyja «zabityja» i smurodnyja maršrutki Minska, prakurany, zavedzhany sałon.
- — Mnohija maršrutki dahetul jeździać za 3 rubli. Raniej z pracy jeździła na 1183, jana była lidaram pa košcie prajezdu.
- — Daviadziecca bolš chadzić. Jakraz da leta možna schudnieć.
- — Maršrutka 1183 — heta prosta asobny suśviet. U ich tam svaje taryfy, jany raniej za ŭsich pavyšajuć košt prajezdu, «zabityja» maršrutki, jakija traščać pa švach, a adekvatnych kiroŭcaŭ 1—2. Zručny dla mianie transpart, ale pierastała karystacca mienavita 83 praź vialikuju kolkaść vypadkaŭ nieadekvatnaści kiroŭcaŭ i taho, jak jany kirujuć.
- — Ura, taksi tańniejšaje za maršrutku!
- — Vyhadniej brać sutačny prajazny na mietro, aŭtobus, elektrobus, tramvaj, tralejbus, aŭtobus-ekspres za 4 rubli 81 kapiejku na ŭvieś dzień. A tut 5 rubloŭ za adnu pajezdku — žach.
- — Nie viedaju, jak ciapier, ale hadoŭ 10—14 tamu jašče i stajačych pasažyraŭ brali. Uspomniŭ — pierachryściŭsia.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?19
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2424
Kamientary