Ukraina sprabavała ŭdaryć pa rasijskim kasmadromie Plasieck
Kiraŭnik karparacyi «Raskosmas» Dźmitryj Bakanaŭ padčas sustrečy z prezidentam Rasii zajaviŭ, što padčas zapusku spadarožnikaŭ šyrokapałosnaha internetu z kasmadroma Plasieck u Archanhielskaj vobłaści USU nibyta zrabili sprobu ataki bieśpiłotnikami.
Dźmitryj Bakanaŭ i Uładzimir Pucin. Fota: administracyja prezidenta Rasii
«Kali kažuć, što kosmas pa-za palitykaj, našy «siabry» zrabili ŭsio, kab hety pusk nie adbyŭsia. U nas u hety dzień byli sproby prylotaŭ surjoznyja pa kasmadromie, ale tym nie mienš sumiesnyja bajavyja raźliki pradpryjemstvaŭ «Raskosmasu» i kaśmičnych vojskaŭ ažyćciavili zadadzienaje», — skazaŭ Pucinu kiraŭnik dziaržkarparacyi.
Hetaja padzieja nibyta adbyłasia dva tydni tamu, 23 sakavika. Havorka idzie pra zapusk pieršych 16 spadarožnikaŭ u miežach prahramy stvareńnia rasijskaj nizkaarbitnaj sistemy suviazi. Jana pavinna stać anałaham hłabalnych spadarožnikavych internet-sietak i zabiaśpiečyć chutki dostup da internetu, u tym liku ŭ addalenych rehijonach.
Infarmacyja pra nibyta ataku ŭkrainskich bieśpiłotnikaŭ na kasmadrom Plasieck ahučanaja tolki rasijskim bokam i nie maje niezaležnaha paćviardžeńnia.
Čytajcie taksama:
Deficyt srodkaŭ SPA ci abchadnyja maršruty: čamu abjekty ŭ Rasii pastajanna ciarpiać ad udaraŭ USU
Ukraina paraziła rasijski frehat, ź jakoha bili kryłatymi rakietami