Stała viadoma, na jakich umovach pakistanskija rabočyja buduć pracavać u Biełarusi
Stali viadomyja padrabiaznaści miemaranduma pamiž Biełaruśsiu i Pakistanam ab supracoŭnictvie ŭ śfiery pracy i pracaŭładkavańnia, padpisanaha 27 žniŭnia 2025 hoda. Dakumient, uniesieny ŭradam na ratyfikacyju ŭ Nacyjalny schod i apublikavany na Nacyjanalnym pravavym partale, vyznačaje, jak hramadzianie Pakistana buduć nakiroŭvacca na pracu ŭ Biełaruś.
Zdymak ilustracyjny
Kab zaprasić pracoŭnych mihrantaŭ, biełaruskaje pradpryjemstva pavinna padać zajaŭku ŭ pasolstva Pakistana, zaklučyć damovu z adpaviednym pasiarednickim ahienctvam i atrymać śpiecyjalny dazvoł na pracaŭładkavańnie kožnaha čałavieka. Taksama pracadaŭca abaviazany paviedamlać pra kolkaść pracaŭładkavanych i mahčymyja parušeńni zakanadaŭstva.
Z boku Pakistana ahienctvy razam ź dziaržaŭnymi strukturami pavinny harantavać, što rabotniki majuć patrebnuju kvalifikacyju, viedajuć movu (nie paznačajecca jakuju), prydatnyja pa stanie zdaroŭja i nie majuć sudzimaściaŭ. Akramia taho, im nieabchodna atrymać vizu i harantyjny list ad najmalnika.
Miemarandum taksama dazvalaje členam siamji pracoŭnych mihrantaŭ pryjazdžać u Biełaruś i znachodzicca tut na čas dziejańnia pracoŭnych dazvołaŭ.
Dakumient byŭ padpisany ŭ žniŭni 2025 hoda. Ź biełaruskaha boku za jaho realizacyju buduć adkazvać Ministerstva ŭnutranych spraŭ i Ministerstva pracy, z pakistanskaha — adpaviednaje viedamstva pa spravach hramadzian za miažoj.
Raniej biełaruskija ŭłady zajaŭlali pra hatoŭnaść pryniać da 150 tysiač rabočych z Pakistana, što vyklikała roznyja, časta nie vielmi pazityŭnyja reakcyi ŭ hramadstvie.
Čytajcie taksama:
U Pakistanie nabirajuć darožnych rabočych dla pracy ŭ Biełarusi
Impart ludziej: Biełaruś hadami plažyła Jeŭropu za mihrantaŭ, ciapier sama džhaje tym ža šlacham
U Baranavičy zaviazuć rabotnikaŭ z Pakistana
U Pakistanie ŭžo nabirajuć achvotnych pracavać u Biełarusi
Pakistan abiacaje adpraŭlać u Biełaruś tolki najlepšyja kadry