Pracoŭnyja mihranty z Pakistana buduć padpisvać abaviazalnictva nie ŭdzielničać u nielehalnaj mihracyi
Pakistancy, jakija nakiroŭvajucca na pracu ŭ Biełaruś, buduć padpisvać abaviazalnictva ab tym, što vykanajuć pracoŭny kantrakt i nie buduć udzielničać u nielehalnaj mihracyi. Pra heta havorycca ŭ standartnaj apieracyjnaj pracedury, raspracavanaj Biuro pa emihracyi i zamiežnaj zaniataści Pakistana. Dakumient apublikavany na sajcie biuro, zaŭvažyŭ Reform.news.
Jak adznačaje biuro, Biełaruś adčuvaje vostry niedachop kvalifikavanaj i paŭkvalifikavanaj rabočaj siły i prapanavała pracaŭładkavać da 150 tysiač pakistancaŭ.
Standartnaja apieracyjnaja pracedura była raspracavana dla «biaśpiečnaj i prazrystaj» mihracyi.
Zhodna z dakumientam, dazvoł na nabor supracoŭnikaŭ budzie vydavacca licenzavanym ahienctvam pa pracaŭładkavańni za miažoj paśla pravierki z boku pasolstva Pakistana ŭ Biełarusi.
Ahienctva pavinna budzie padać šerah abaviazkovych dakumientaŭ, u tym liku paśviedčańnie ab rehistracyi najmalnika, paćviardžeńnie najaŭnaści vakansij, dokazy finansavaj płaciežazdolnaści, prajekt pracoŭnych damovaŭ.
Pamier kamisii nie pavinien pieravyšać dvuchmiesiačny zarobak rabotnika.
Raspracavany śpiecyjalnyja miery dla pieraškody nielehalnaj mihracyi ŭ Jeŭrasajuz.
Tyja, chto nakiroŭvajecca ŭ Biełaruś, pavinny buduć padpisać afidevit (piśmovaja zajava), u jakim abaviazvajucca vykanać pracoŭny kantrakt i nie ŭdzielničać u nielehalnaj mihracyi.
Adzin z členaŭ ich siamji pavinien budzie padpisać abaviazalnictva ab vykanańni hetych umoŭ.
Parušalnikaŭ buduć unosić u čorny śpis dla zamiežnaha pracaŭładkavańnia.
Pasolstva Pakistana ŭ Biełarusi budzie abaviazana padavać štokvartalnyja spravazdačy ab statusie rabotnikaŭ i vypadkach uciokaŭ.
Pierad adpraŭkaj u Biełaruś rabotnikaŭ prainfarmujuć ab nastupstvach nielehalnaj mihracyi.
Nahadajem, dielehacyja MUS Biełarusi na čale z načalnikam Departamienta pa hramadzianstvie i mihracyi Alaksiejem Biehunom abmiarkoŭvała ŭ Pakistanie pytańni pracoŭnaj mihracyi.
-
Z asudžanaha za špijanaž znajomaha Volhi Karač u turmie vymahali hrošy. A jon chvaliŭsia, što moža dastać ich u pasolstvie Biełarusi
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
I pryvitańnie narodnaja respublika Połackałanabad
no počti pod každym vidieo nachoditsia kommientator kotoryj priedłahajet im v jes rvanuť nielehalno, t.ie usłuhu