Z 1 maja ŭ Minsk vierniecca «Najlepšaja vulica»
Prastora «Najlepšaja vulica» na praśpiekcie Niezaležnaści, 95 znoŭ adkryvajecca ŭ Minsku i viartajecca ŭ novym farmacie. Arhanizatary abiacajuć novuju kamandu, abnoŭleny padychod i bolš kamfortnyja ŭmovy dla žycharoŭ i haściej stalicy.
Pa słovach arhanizataraŭ, terytoryju pierahledzieli i pierapłanavali tak, kab naviedvalnikam było zručniej adpačyvać. Jak i raniej, na placoŭcy buduć pracavać fud-traki z vuličnaj ježaj, a taksama zapłanavanyja roznyja mierapryjemstvy i zabavy.
Asnoŭnaj temaj novaha siezona stanie spałučeńnie vuličnaj ježy i sportu. Prastoru chočuć zrabić svojeasablivym adkrytym «stadyjonam», dzie možna budzie jak aktyŭna pravieści čas, tak i prosta sustrecca ź siabrami.
U prahramie anansujuć majstar-kłasy, lekcyi pra zdaroŭje, tranślacyi spartyŭnych matčaŭ, kinapakazy i muzyčnyja viečary. Taksama abiacajuć bolš raznastajnuju hastranamičnuju zonu.
Techničnaje adkryćcio pryznačana na 1 maja. Paśla hetaha placoŭka praciahnie abnaŭlacca i dapracoŭvacca. Na praciahu miesiaca tam buduć iści ramontnyja raboty, a poŭny zapusk prajekta čakajecca ŭ červieni.
Čytajcie taksama:
U Minsku adkryvajecca novy hastradvor. Heta samaja vialikaja strytfud-placoŭka ŭ horadzie