Iran prapanavaŭ ZŠA mirny płan z 14‑ci punktaŭ. Tramp budzie dumać

Jak piša iranskaje vydańnie Tashim, ZŠA prapanoŭvali Iranu dvuchmiesiačnaje spynieńnie ahniu, adnak Tehieran nastojvaje na tym, što ŭsie pytańni pavinny być vyrašanyja na praciahu 30 dzion i što asnoŭnaja ŭvaha pavinna być zasiarodžanaja na «spynieńni vajny», a nie na padaŭžeńni pieramirja.

Donald Tramp. Fota: Chip Somodevilla / Getty Images

Viadoma, što iranskaja prapanova ŭklučaje nastupnyja pytańni:

• harantyi biaśpieki ad budučych atak;
• vyvad vojskaŭ ZŠA z rajonaŭ, prylehłych da Irana;
• źniaćcie marskoj błakady;
• razmarožvańnie iranskich aktyvaŭ;
• vypłata reparacyj;
• źniaćcie sankcyj;
• spynieńnie vajny na ŭsich frantach, uklučajučy Livan;
• novy miechanizm kiravańnia Armuzskim pralivam.

Vydańnie dadaje, što Tehieran čakaje aficyjnaha adkazu ZŠA na hetyja prapanovy.

Paźniej prezident ZŠA Donald Tramp apublikavaŭ post u sacsietkach, adznačyŭšy, što razhledzić prapanovu, adnak vykazaŭ zdahadku, što moža i nie pryniać pahadnieńnie.

«Nieŭzabavie ja razhledžu płan, jaki Iran tolki što nam dasłaŭ, ale nie mahu ŭjavić, kab jon byŭ prymalnym, pakolki jany jašče nie zapłacili dastatkova vysokuju canu za toje, što zrabili z čałaviectvam i śvietam za apošnija 47 hadoŭ», — napisaŭ Tramp u svajoj sacsietcy Truth Social.

Kamientary da artykuła