ZŠA skarociać kolkaść svaich vojskaŭ u Hiermanii na 5000 čałaviek na fonie kryŭdy Trampa na Mierca
Ich zabiaruć na praciahu paŭhoda-hoda.
Ministerstva abarony ZŠA płanuje vyvieści 5000 vajskoŭcaŭ z Hiermanii na fonie svarki pamiž prezidentam ZŠA Donaldam Trampam i kancleram Hiermanii Frydrycham Miercam nakont vajny ź Iranam, piša BBC.
Pradstaŭnik Pientahona Šon Parneł paviedamiŭ, što zahad ab vyvadzie amierykanskich vojskaŭ pastupiŭ ad ministra abarony ZŠA Pita Chiehsieta.
«Hetaje rašeńnie pryniata paśla dbajnaha analizu dysłakacyi vojskaŭ Ministerstva abarony ŭ Jeŭropie i ŭličvaje patreby teatra vajennych dziejańniaŭ i ŭmovy na miescach», — skazaŭ jon.
«My čakajem, što vyvad vojskaŭ budzie zavieršany na praciahu nastupnych šaści-dvanaccaci miesiacaŭ», — dadaŭ Parneł.
U čaćvier Tramp raskrytykavaŭ Mierca za jaho słovy ab tym, što ZŠA byli «prynižanyja» iranskimi pieramoŭščykami, i zajaviŭ, što Mierc «žudasna daje rady svajoj pracy» i maje «prablemy ŭsich vidaŭ», u tym liku pa pytańniach imihracyi i enierhietyki. Tramp taksama skazaŭ, što «vyvučaje i analizuje mahčymaść skaračeńnia kolkaści vojskaŭ u Hiermanii, i pastanova pa hetym pytańni budzie pryniataja najbližejšym časam».
Na śniežań minułaha hoda na bazach u Hiermanii byli dysłakavanyja bolš za 36 tysiač vajskoŭcaŭ ZŠA — heta najbujniejšy amierykanski kantynhient u Jeŭropie.
Mnohija ź ich raźmieščany na avijabazie «Ramštajn», jakaja znachodzicca niedaloka ad horada Kajziersłaŭtern na paŭdniovym zachadzie Hiermanii.
Tramp taksama zajaviŭ, što razhladaje mahčymaść vyvadu amierykanskich vojskaŭ ź Italii i Ispanii.
Tramp, daŭni krytyk aljansu NATA, nie tak daŭno paprakaŭ sajuźnikaŭ za ich admovu ŭdzielničać u apieracyjach pa adnaŭleńni pracy Armuzskaha praliva.
U čaćvier Trampa spytali, ci razhledzić jon taksama mahčymaść vyvadu amierykanskich vojskaŭ ź Italii i Ispanii, sajuźnikaŭ ZŠA pa NATA, na što prezident adkazaŭ: «Vierahodna, razhledžu — čamu b i nie?»
«Italija nam ničym nie dapamahła, a Ispanija pastupiła žudasna», — dadaŭ jon, krytykujučy ich reakcyju na vajnu ŭ Iranie.
«Va ŭsich vypadkach jany kazali: «Ja nie chaču ŭmiešvacca»», — skazaŭ Tramp.
Amierykanski kantynhient u Hiermanii źjaŭlajecca najbujniejšym u Jeŭropie, u Italii raźmieščany kala 12 tysiač amierykanskich vajskoŭcaŭ, u Vialikabrytanii — 10 tysiač. Tolki Japonija maje bolš bujnuju prysutnaść amierykanskich vojskaŭ.
-
Biełaruski bienzin bje pa kašalkach maskvičoŭ: AZS Rasii vymušany kuplać darahoje paliva ź Biełarusi
-
Kiraŭnik MZS Ukrainy rezka adreahavaŭ na pazbaŭleńnie Zialenskaha ordena i viarnie svaju polskuju ŭznaharodu
-
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary