U AAE paśla dvuchmiesiačnaha pierapynku adkryli pavietranuju prastoru

U Abjadnanych Arabskich Emiratach całkam adkryli pavietranuju prastoru dla palotaŭ. Pra heta paviedamiła Hałoŭnaje ŭpraŭleńnie cyvilnaj avijacyi krainy.

Fota: Long Wei/VCG via Getty Images

Rehularnyja rejsy ŭ AAE nie vykonvalisia z pačatku sakavika paśla abvastreńnia kanfliktu na Blizkim Uschodzie. Tady avijacyjnyja ŭłady Dubaja adklikali słoty i dazvoły na paloty. U sakaviku vykonvalisia tolki evakuacyjnyja i vyvaznyja rejsy, jak i ŭ inšych krainach rehijona.

U suviazi z hetym biełaruskaja avijakampanija «Biełavija» niekalki razoŭ praciahvała prypynieńnie palotaŭ u Dubaj. Apošni raz paviedamlałasia, što rehularnyja rejsy ŭ i z Dubaja admianiajucca jak minimum da 20 maja.

Ciapier raniej uviedzienyja abmiežavańni skasavanyja. Ułady Emirataŭ zajavili, što rašeńnie ab adkryćci pavietranaj prastory pryniali paśla ŭsiebakovaj acenki situacyi i ŭmoŭ biaśpieki.

Kamientary da artykuła