Učora lasny pažar pad Hrodnam tušyli bolš za 60 čałaviek. I patušyli, ale tolki na čas
Uviečary 2 maja kala vioski Uźbieraž Hrodzienskaha rajona pačaŭsia lasny pažar. Pra ŭzharańnie na liniju 112 paviedamili žychary najbližejšaha sadovaha tavarystva.
Skrynšot ź videa
Dla tušeńnia ahniu pažarnikam i leśnikam spatrebiłasia niekalki hadzin. U likvidacyi pažaru ŭdzielničali 61 čałaviek i 15 adzinak techniki. Pavodle papiaredniaj acenki, ahoń achapiŭ prykładna 10 hiektaraŭ lesu. Paciarpiełych nie było.
Adnak pažar, niahledziačy na toje, što jaho nibyta patušyli, 3 maja ŭspychnuŭ znoŭ. Pavodle infarmacyi MNS, ciapier haryć kala 30 hiektaraŭ lesu ŭ rajonie Pareckaha sielsavieta, dzie znachodzicca i vioska Uźbieraž.
Dla baraćby z ahniom nakiravany viertalot Mi-8 avijacyi MNS.
Čytajcie taksama:
Z prychodam ciapła pačaścilisia pryrodnyja pažary
Na Pinščynie zmahajucca ź lasnym pažaram