Pavodle źviestak MNS, u apošnija dni ŭ šerahu rehijonaŭ Biełarusi zafiksavanyja ŭzharańni ŭ lasach, a taksama pažary suchoj travy i kustoŭja.
U Homielskaj vobłaści za apošnija sutki likvidavali dva lasnyja pažary ŭ Žytkavickim i Čačerskim rajonach. Ahulnaja płošča ŭzharańnia skłała 0,08 hiektara. Ahoń udałosia patušyć biez vykarystańnia techniki MNS.
Taksama ŭ vobłaści zafiksavali čatyry pažary suchoj travy i kustoŭja ŭ Dobrušskim, Žłobinskim, Mazyrskim i Rahačoŭskim rajonach. Ahulnaja płošča hetych uzharańniaŭ skłała 0,3507 hiektara.
U Hrodzienskaj vobłaści supracoŭniki MNS 15 razoŭ vyjazdžali na tušeńnie suchoj raślinnaści i jašče try razy — na lasnyja pažary. U vyniku pryrodny ahoń paškodziŭ 13,04 hiektara terytoryi.
U Mahiloŭskaj vobłaści ratavalniki siem razoŭ tušyli ŭzharańnie suchoj raślinnaści.
Ciapier u Biełarusi amal paŭsiudna dziejničajuć abmiežavańni na naviedvańnie lasoŭ. Biez abmiežavańniaŭ lasy adkrytyja tolki ŭ siami rajonach Mahiloŭskaj vobłaści: Kryčaŭskim, Čerykaŭskim, Słaŭharadskim, Krasnapolskim, Klimavickim, Kaściukovickim i Chocimskim.
Poŭnaja zabarona na naviedvańnie lasoŭ uviedziena ŭ troch zachodnich rajonach krainy: Śvisłackim, Bierastavickim i Vaŭkavyskim.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec26
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary