Udar pa Čebaksarach nanieśli rakietami «Fłaminha»

Prezident Ukrainy Uładzimir Zialenski zajaviŭ, što ŭdar pa abjekcie VPK u rasijskich Čebaksarach byŭ naniesieny ŭkrainskimi kryłatymi rakietami «Fłaminha».

Dalnabojnaja kryłataja rakieta «Fłaminha». Fota: AP Photo / Efrem Lukatsky

«Minułaj nočču byli bajavyja puski kryłatych rakiet F-5 Flamingo ŭ miežach apieracyi Uzbrojenych Sił Deep Strike pa niekalkich celach voraha, u pryvatnaści pa abjektach vajskova-pramysłovaha kompleksu ŭ Čebaksarach», — adznačyŭ Zielenski.

Jon adznačyŭ, što rakiety pieraadoleli adlehłaść bolš za paŭtary tysiačy kiłamietraŭ i trapili ŭ cel — pradpryjemstva «VNIIR-Prahres», źviazanaje z vajskova-pramysłovym kompleksam. Hety zavod vyrablaŭ abstalavańnie dla rasijskaj armii, u tym liku elemienty navihacyi.

Rakieta «Fłaminha», pavodle ŭkrainskich zajaŭ, moža mieć dalokaść da niekalkich tysiač kiłamietraŭ i znachodzicca na etapie razhortvańnia sieryjnaj vytvorčaści.

Akramia taho, Zialenski znoŭ zaklikaŭ Rasiju spynić bajavyja dziejańni i pierajści da pieramoŭ.

Kamientary da artykuła