U Homieli ŭ dziaŭčyny zadymiłasia mašyna, a jana pryjechała na joj prosta da bienzakałonki VIDEA

Na adnoj z AZS «Biełarusnafty» ŭ Homieli zdaryŭsia niebiaśpiečny incydent. U dziaŭčyny-kiroŭcy padčas ruchu zadymiłasia mašyna i zamiest taho, kab davać prablemie rady niedzie na ŭzbočynie, jana pryjechała prosta na zapraŭku, pastaviŭšy aŭtamabil kala bienzakałonki.

Skrynšot ź videa

Pry hetym dziaŭčyna nie pierastała rabić pamyłki i dalej. Kali jana padjechała da kałonki, to zamiest taho, kab adrazu vyrašać prablemu, pačała zdymać videa.

Tym časam supracoŭniki zapraŭki sami prybiehli z vohnietušycielami, a zatym prybyli i ratavalniki MNS. Mašyna ž tym časam paśpieła zaharecca. Na ščaście, jaje patušyli, i bolšych prablem udałosia paźbiehnuć.

Śpiecyjalisty padkreślivajuć, što tak rabić, jak rabiła dziaŭčyna, kateharyčna nielha, bo AZS — heta abjekty pavyšanaj pažarnaj niebiaśpieki. Pry źjaŭleńni dymu abo ahniu transpart treba nieadkładna spynić u biaśpiečnym miescy i vyklikać ratavalnikaŭ.

Taksama kiroŭcam rajać rehularna sačyć za techničnym stanam aŭtamabila, kab praduchilać padobnyja situacyi.

Kamientary da artykuła