Zapraŭki chacieli, kab u ich kramach admianili dziaržaŭnaje rehulavańnie cen. Im adkazali
Ministerstva antymanapolnaha rehulavańnia i handlu (MARH) adchiliła prapanovu sietak aŭtazapravačnych stancyj admianić dziaržaŭnaje rehulavańnie cen na tavary ŭ kramach pry AZS.
Zdymak ilustracyjny. Fota: «Naša Niva»
Pytańnie ab źmianieńni cenavaj palityki abmiarkoŭvałasia na pracoŭnaj sustrečy z udziełam pradstaŭnikoŭ ekśpiertaŭ, kancerna «Biełnaftachim» i bujnych sietak AZS. Siarod ich byli kampanii «A-100 AZS», «Hazpramnafta-Biełnaftapradukt», «ŁUKOJŁ Biełaruś» i «Tatbiełnaftapradukt».
Inicyjatyva zapravačnych sietak zaklučałasia ŭ tym, kab źniać abmiežavańni, ustanoŭlenyja dziaržaŭnym rehulavańniem cen, u tym liku pastanovaj urada №713. Adnak bolšaść udzielnikaŭ sustrečy, jak paviedamlajecca, jaje nie padtrymali.
U MARH adznačyli, što dziejnaja sistema kantrolu cen budzie i dalej udaskanalvacca, ale nie budzie admieniena. Heta aznačaje, što AZS i źviazanyja ź imi handlovyja punkty i nadalej nie zmohuć svabodna pavyšać ceny na spažyvieckija tavary biez uzhadnieńnia ź dziaržavaj.
Čytajcie taksama:
Kiroŭca vypadkova zapraviŭ poŭny bak, a ciapier choča viarnuć svaje hrošy. Ci maje jon racyju?
U Homieli ŭ dziaŭčyny zadymiłasia mašyna, a jana pryjechała na joj prosta da bienzakałonki VIDEA