Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
Heta toj pravakatar, jaki abvieściŭ vajnu Śviatłanie Cichanoŭskaj, a ŭ kafe nakinuŭsia na Dzianisa Kučynskaha.
Dźmitryj Skindzieraŭ. Fota: Dźmitryj Kazłoŭ, Facebook
Jak piša «Sota», Dźmitryj Skindzieraŭ atrymaŭ ad Departamienta mihracyi Litvy paviedamleńnie pra namier pazbavić jaho statusu biežanca, bo jość padstavy ličyć jaho pahrozaj nacyjanalnaj biaśpiecy.
Skindzieravu dajecca 5 dzion, kab abaranić siabie.
Skindzieraŭ staŭ viadomy jak krytyk Cichanoŭskaj i pravakatar, jaki ŭ studzieni 2026 hoda kinuŭsia ŭ kafe na daradcu Śviatłany Cichanoŭskaj Dzianisa Kučynskaha.
Sam jon raniej byŭ viciebskim pradprymalnikam, a paśla nazapasiŭ daŭhoŭ. U 2020‑m sprabavaŭ prabicca da kamandy Cichanoŭskaj i prapanoŭvaŭ svaje kansultacyi.
Paśla vychadu rasśledavańnia «Našaj Nivy» Skindzieraŭ prapaŭ z haryzontaŭ i faktyčna spyniŭ svaju kalapalityčnuju dziejnaść.