U Pinsku ŭ śpioku smažać jajki prosta na soncy
Pinčuki pakazali ŭ tyktoku, što pry tempieratury +40 hatavać ježu na plicie nie abaviazkova.
Fota: skryn ź videa
Pinskaja błohierka Maryna «Razmarynka» źniała rolik, dzie razam ź dziciom pryhatavała jaječniu prosta na soncy. Mienš čym za sutki videa atrymała 120 tysiač prahladaŭ.
Dla pačatku, jak i na zvyčajnaj plicie, treba razahreć patelniu. Dla hetaha pinčanka pastaviła patelniu na sonca, i praz 20‑30 chvilin užo možna było hatavać. Dalej treba dadać u patelniu masła. «Hladzicie, jak rastaje», — kamientuje žančyna.
Potym u patelniu raźbili jajka, i jano sapraŭdy pasmažyłasia, chacia na plicie i atrymałasia b lepiej. Aŭtarka videa, praŭda, nie kaža, kolki na heta spatrebiłasia času.
Pinsk akazaŭsia ŭ centry ciapierašniaj chvali śpioki, jakaja abrynułasia na Biełaruś. 29 červienia tam zafiksavali tempieraturu ŭ +40,4 hradusa — absalutny tempieraturny rekord dla krainy.
Čytajcie taksama:
Upieršyniu za čas nazirańniaŭ tempieratura pavietra ŭ Biełarusi pierakročyła +40°C
Jak vyžyć u anamalnuju śpioku. Niečakanyja, ale dziejsnyja parady navukoŭcaŭ