Žychar Viciebska pisaŭ pieśni pra Łukašenku, ale papularnaść zdabyŭ u Rasii — u tych, chto padtrymlivaje vajnu

Pavieł Ahiejeŭ — nie prosta paet i kampazitar. Jon viadomy pieradusim u internecie: pad nikam @a8p4s aŭtar maje akaŭnty ŭ Instagram, TikTok i YouTube. Tam jon vykładaje svaje pieśni, słovy da jakich piša sam, a muzyku — z dapamohaj štučnaha intelektu. Z dapamohaj ŠI jon stvaraje i klipy da svaich tvoraŭ. Adznaka pośpiechu dla jaho — rost kolkaści prahladaŭ, piša «Viciebskaja viasna».

Ale ź niadaŭniaha času pieśni Paŭła Ahiejeva pačali vykonvać u Rasii. Asabliva časta — na konkursach i kancertach z vajskovym uchiłam, dzie zhadvajuć «hierojaŭ SVA». Najčaściej vykanaŭcy abirajuć dźvie pieśni viciebskaha aŭtara — «Ja doċ hieroja» i «Ja budu anhiełom tvoim».

Pisać «idejnyja» tvory Pavieł Ahiejeŭ sprabavaŭ i na biełaruskuju tematyku. Na jaho staronkach jość pieśni, pryśviečanyja, da prykładu, supracoŭnikam Departamienta achovy, a taksama videavinšavańni z prafiesijnymi śviatami pradstaŭnikoŭ MUS i KDB. Alaksandr Łukašenka taksama nieadnojčy byŭ hierojem piesień Paŭła Ahiejeva, asabliva padčas minułych prezidenckich vybaraŭ.

Jość u Ahiejeva i pieśnia, pryśviečanaja dziaržaŭnym hierbu i ściahu. A zusim niadaŭna aŭtar vykłaŭ svoj tvor, napisany z nahody pačatku «Vialikaj Ajčynnaj vajny» — data 22 červienia sioleta šyroka adznačałasia ŭ Biełarusi. 

Raskrutkaj svajoj tvorčaści jon zajmajecca sam — z dapamohaj pramacyjnych rolikaŭ na svaich staronkach. Ale ŭ biełaruskich vykanaŭcaŭ pieśni Paŭła Ahiejeva nie nadta karystajucca popytam, niahledziačy na ŭsie starańni adpaviadać ideałahičnamu viektaru.

Kamientary da artykuła