Voś jak vyhladaje dach doma na vulicy Lenina ŭ Minsku paśla vialikaha pažaru FOTAFAKT

Fota zharełaha dachu apublikavała BiełTA.

Fota: BiełTA

Dyrektar žyllova-kamunalnaj haspadarki Leninskaha rajona Dźmitryj Jelisiejeŭ paviedamiŭ, što padača hazu ŭ damy №9 i №11 pa vulicy Lenina ŭ Minsku, jakija paciarpieli padčas pažaru, adnoŭlena. 

Adnačasova praciahvajucca raboty pa adnaŭleńni elektrazabieśpiačeńnia: zamienienyja aŭtamatyčnyja vyklučalniki, kabielnyja linii i adramantavany ščyty, paškodžanyja padčas pažaru. Ciapier idzie prasuška kvaternych elektraščytoŭ.

Častkova elektryčnaść mohuć uklučyć užo siońnia, ale heta zaležyć ad stanu vilhotnaści ŭ pamiaškańniach. Vada ŭ abodvuch damach užo jość. Taksama śpiecyjalisty abychodziać kvatery i składajuć akty abśledavańnia, a praz dva tydni płanujuć aformić defiektnyja akty.

Pažar u domie №9 pa vulicy Lenina ŭ Minsku adbyŭsia ŭviečary 28 červienia — hareli dach i paddaškavyja pamiaškańni. Połymia častkova zakranuła i dach susiedniaha doma №11. Płošča pažaru skłała kala 1000 kvadratnych mietraŭ, ale paciarpiełych niama, a ahoń byŭ poŭnaściu patušany tolki ranicaj 29 červienia.

Kamientary da artykuła