Вось як выглядае дах дома на вуліцы Леніна ў Мінску пасля вялікага пажару ФОТАФАКТ

Фота згарэлага даху апублікавала БелТА.

Фота: БелТА

Дырэктар жыллёва-камунальнай гаспадаркі Ленінскага раёна Дзмітрый Елісееў паведаміў, што падача газу ў дамы №9 і №11 па вуліцы Леніна ў Мінску, якія пацярпелі падчас пажару, адноўлена. 

Адначасова працягваюцца работы па аднаўленні электразабеспячэння: замененыя аўтаматычныя выключальнікі, кабельныя лініі і адрамантаваны шчыты, пашкоджаныя падчас пажару. Цяпер ідзе прасушка кватэрных электрашчытоў.

Часткова электрычнасць могуць уключыць ужо сёння, але гэта залежыць ад стану вільготнасці ў памяшканнях. Вада ў абодвух дамах ужо ёсць. Таксама спецыялісты абыходзяць кватэры і складаюць акты абследавання, а праз два тыдні плануюць аформіць дэфектныя акты.

Пажар у доме №9 па вуліцы Леніна ў Мінску адбыўся ўвечары 28 чэрвеня — гарэлі дах і паддашкавыя памяшканні. Полымя часткова закранула і дах суседняга дома №11. Плошча пажару склала каля 1000 квадратных метраў, але пацярпелых няма, а агонь быў поўнасцю патушаны толькі раніцай 29 чэрвеня.

Каментары да артыкула