Z nastupnaha hoda da «Jeŭrabačańnia» dałučycca Kanada
Kanada voźmie ŭdzieł u konkursie «Jeŭrabačańnie» ŭ nastupnym hodzie i stanie pieršaj novaj krainaj-udzielnicaj z 2015 hoda, kali da konkursu dałučyłasia Aŭstralija, piša Euronews.
Zdymak ilustracyjny. Fota: AP Photo / Matthias Schrader, File
Jak paviedamlajecca, kanadski hramadski viaščalnik CBC/Radio-Canada atrymaŭ poŭnaje členstva ŭ Jeŭrapiejskim viaščalnym sajuzie (EBU). Heta daje krainie prava ŭdzielničać u konkursie pieśni i debiutavać užo ŭ paŭfinałach nastupnaha hoda. U bližejšyja miesiacy budzie vyznačana, jakim čynam budzie adbiracca kandydat ad Kanady.
Kiraŭnictva CBC/Radio-Canada adznačyła, što ŭdzieł u «Jeŭrabačańni» dazvolić pradstavić kanadskich artystaŭ na adnoj z samych viadomych muzyčnych scen śvietu. Taksama heta daść mahčymaść kanadskim hledačam praciahvać hladzieć konkurs i hałasavać u im, ale ŭžo z dadatkovaj zacikaŭlenaściu, bo kraina budzie pradstaŭlenaja ŭ spabornictvie.
Pradstaŭniki EBU vitali rašeńnie i nahadali pra kanadskuju śpiavačku Sielin Dyjon, jakaja pieramahła na «Jeŭrabačańni» ŭ 1988 hodzie, vystupajučy za Šviejcaryju.
Pavodle paviedamleńnia, cikavaść da konkursu ŭ Kanadzie ŭžo ciapier vielmi vysokaja: padčas apošniaha «Jeŭrabačańnia» kraina trapiła ŭ trojku lidaraŭ u katehoryi «Astatni śviet» pa hałasavańni, a taksama siarod zamiežnych pakupnikoŭ kvitkoŭ.
Čytajcie taksama:
Pieramožca «Jeŭrabačańnia» pryjšła ŭ kamienty da Kirkorava, jaki prypisaŭ pieramohu i sabie
Łaŭroŭ vyklučyŭ udzieł Rasii ŭ «Jeŭrabačańni» z-za satanizmu
Sacsietki ŭ šoku, jak vyhladaje Alaksandr Rybak praz 17 hadoŭ paśla pieramohi na «Jeŭrabačańni»
«Jeŭrabačańnie» vyjhrała Bałharyja. Heta pieršaja pieramoha hetaj krainy ŭ historyi konkursu
Na «Jeŭrabačańni» adnoj z udzielnic nasupierak praviłam dazvolili hrać na žyvym instrumiencie