Ź Biełarusi ŭ Polšču sprabavali vyvieźci staryja banknoty
Hrodzienskija mytniki spynili sprobu niezakonnaha vyvazu z terytoryi JEAES 28 starych banknot, pryznanych kulturnymi kaštoŭnaściami, paviedamlaje pres-słužba Dziaržaŭnaha pamiežnaha kamiteta.
Incydent adbyŭsia ŭ punkcie propusku «Bierastavica», dzie kiroŭca lehkavoha aŭtamabila FIAT nakiroŭvaŭsia ŭ Polšču praz «čyrvony kalidor». Jon padaŭ dekłaracyju dla zaviaršeńnia časovaha ŭvozu aŭtamabila i zajaviŭ, što zabaronienych abo padlahajučych dekłaravańniu rečaŭ nie maje.
Adnak padčas ahladu asabistych rečaŭ mytniki znajšli staryja banknoty. Ich nakiravali na ekśpiertyzu ŭ mytnuju łabaratoryju. Śpiecyjalisty paćvierdzili, što hrašovyja znaki, jakim bolš za 100 hadoŭ, adnosiacca da kulturnych kaštoŭnaściaŭ.
U dačynieńni da hramadzianina raspačaty administracyjny praces pavodle č. 1 art. 15.5 KaAP Respubliki Biełaruś.
Čytajcie taksama:
Žančyna viezła z Francyi bolš za 72 tysiačy dalaraŭ — bresckija mytniki ich kanfiskavali
Partuhalec sprabavaŭ uvieźci ŭ Biełaruś hašyš i marychuanu
U Biełaruś nie dali ŭvieźci vialikuju partyju rybałoŭnych snaściaŭ z Rasii