Pobač z Tałstym i Dastajeŭskim: u rasijskuju školnuju prahramu pa litaratury ŭklučać knihi pra «SVA»
Ministr aśviety Rasii Siarhiej Kraŭcoŭ padtrymaŭ inicyjatyvu ŭklučyć u školnuju prahramu litaraturnyja tvory, pryśviečanyja «śpiecyjalnaj vajennaj apieracyi». Chutka rasijskija školniki pačnuć vyvučać prapahandysckija knihi pra bajavyja dziejańni va Ukrainie.
Ilustracyjnaje fota. Fota: ostannipodii.com
Adpaviednuju zajavu kiraŭnik viedamstva zrabiŭ 4 lipienia padčas rabočaj pajezdki ŭ Južna-Sachalinsk. Na sustrečy ź piedahohami ŭ histaryčnym parku «Rasija — Maja historyja» ministr aficyjna ŭchvaliŭ prapanovu nastaŭnikaŭ ab nieabchodnaści intehravać litaraturu pra «SVA» ŭ adukacyjny praces.
Takim čynam, čakajecca, što nieŭzabavie sučasnaja rasijskaja frantavaja proza zojmie ŭ školnym raskładzie svajo miesca ŭ adnym šerahu z takimi ŭzorami ruskaj litaratury, jak «Vajna i mir» Lva Tałstoha, «Złačynstva i pakarańnie» Fiodara Dastajeŭskaha ci paezijaj Alaksandra Puškina. Jakija kankretna aŭtary i tvory pra «śpiecapieracyju» papoŭniać pryznany kłasičny panteon, u viedamstvie pakul nie ŭdakładnili.