Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła

Pryčynaj hibieli 38‑hadovaha futbalista staŭ niaščasny vypadak.

Alaksiej Laŭkievič. Fota ź jahonaj staronki Ukantakcie

Alaksiej Laŭkievič zahinuŭ u kancy červienia 2026 hoda. 

Laŭkieviču było 38 hadoŭ. Jon rodam z Radaškovičaŭ, ale žyŭ u Baraŭlanach.

U 2011 hodzie skončyŭ Biełaruski dziaržaŭny technałahičny ŭniviersitet. Pracavaŭ u budaŭničaj śfiery — zajmaŭsia ŭkładkaj plitki i azdobnymi rabotami.

Vialikaj častkaj jaho žyćcia byŭ sport: Alaksiej šmat hadoŭ hulaŭ u amatarski futboł i mini-futboł. Jon vystupaŭ u Premjer-lizie 5ch5 za kamandy do-doma.by i «BiełVEB», na jaho rachunku dziasiatki matčaŭ i hałoŭ.

Alaksiej Laŭkievič u 2021-m. Fota ź jahonaj staronki Ukantakcie

Laŭkieviča aryštavali ŭ kancy 2024 hoda. Jaho asudzili pa troch palityčnych artykułach: č. 1 art. 368 (abraza Łukašenki), č. 1 art. 130 (raspalvańnie varožaści) i art. 369 (abraza pradstaŭnika ŭłady) — i abvieścili «terarystam».

Laŭkievič trapiŭ u lik 250 palitviaźniaŭ, vyzvalenych 19 sakavika 2026 hoda paśla čarhovaha vizitu Džona Koŭła. Jamu dazvolili zastacca ŭ Biełarusi.

Alaksiej navat paśpieŭ zhulać u krasaviku 2026 hoda za svaju mini-futbolnuju kamandu.

Na voli Alaksiej Laŭkievič pažyŭ tolki try miesiacy.

My vykazvajem spačuvańni rodnym i blizkim byłoha palitviaźnia.

Kamientary da artykuła