U Polščy rassakrecili danyja pra abjom vajskovaj dapamohi Ukrainie
Ministr nacyjanalnaj abarony Polščy Uładzisłaŭ Kasiniak-Kamyš paviedamiŭ, što z pačatku poŭnamaštabnaha rasijskaha ŭvarvańnia Varšava pieradała Ukrainie vajskovuju dapamohu na amal čatyry miljardy jeŭra, piša «Jeŭrapiejskaja praŭda».
Uładzisłaŭ Kasiniak-Kamyš. Fota: AP Photo / Czarek Sokolowski, File
Pavodle słoŭ polskaha ministra, paśla ŭzhadnieńnia z premjer-ministram krainy Donaldam Tuskam było pryniata rašeńnie pačać praces rassakrečvańnia infarmacyi ab pieradačy Polščaj Ukrainie vajskovaj techniki i ŭzbrajeńnia.
Kasiniak-Kamyš adznačyŭ, što ŭ 2022—2023 hadach Polšča pastaviła Ukrainie roznych vidaŭ vajskovaj techniki i bojeprypasaŭ na sumu kala 15 miljardaŭ złotych (prykładna 3,4 miljarda jeŭra).
Z 2024 hoda da ciapierašniaha času suma dapamohi skłała kala 1,55 miljarda złotych (prykładna 350 miljonaŭ jeŭra). Siarod pieradadzienaha ŭzbrajeńnia ministr nazvaŭ rakiety PAC-3 dla zienitnych rakietnych kompleksaŭ Patriot.
Kiraŭnik polskaha Minabarony padkreśliŭ, što padtrymka Ukrainy zastajecca dla Polščy stratehičnaj zadačaj.
Raniej vice-śpikier Siejma i lidar partyi «Kanfiederacyja» Kšyštaf Bosak zajaviŭ, što ŭrad nibyta bieź viedama parłamienta pieradaŭ Ukrainie rakiety-pierachopniki dla sistem Patriot. Paśla hetaha Kasiniak-Kamyš i paviedamiŭ pra rašeńnie rassakrecić infarmacyju pra polskuju vajskovuju dapamohu Kijevu.
Čytajcie taksama:
Kačyński: Ukraina nie ŭstupić u ES, kali nie źmienić svoj kurs
Rasija moža rychtavać uzbrojenuju pravakacyju i suprać Polščy — Onet
«Z Banderaj Ukrainu ŭ ES nie prymuć»: u Polščy pryhrazili błakavać šlach Ukrainy ŭ Jeŭrasajuz
Kiraŭnik polskaj raźviedki nazvaŭ klučavuju ŭmovu dla palapšeńnia adnosin ź Minskam