Mocnaja zaleva zatapiła šmatpaviarchovik u Hrodnie. Vada liłasia navat z razietak

Paśla mocnaj niadzielnaj zalevy ŭ Hrodnie surjozna paciarpieŭ šmatkvaterny dom na Indurskaj šašy. Pa słovach žycharoŭ, vada praciakła praz uvieś padjezd — ad dziasiataha da pieršaha paviercha, piša newgrodno.by.

Vada liłasia navat z razietak

Adna z žycharak paviedamiła, što ŭ jaje kvatery vada liłasia navat z razietak i vyklučalnikaŭ. Pakoi byli zatoplenyja, sapsavalisia mebla, dyvany i asabistyja rečy. Z kvatery daviałosia vynieści dzieviać viodzier vady.

Pavodle jaje słoŭ, na paviersie paciarpieli jak minimum try kvatery, a maštab paškodžańniaŭ jašče aceńvajecca.

Žychary adznačajuć, što heta nie pieršy padobny vypadak. Letaś u hetym domie ŭžo adbyvałasia padtapleńnie praź niaspraŭnaść liŭnievaj sistemy na techničnym paviersie. Paśla zdareńnia jaje adramantavali, adnak padčas novaj zalevy prablema, imavierna, paŭtaryłasia.

Paśla paviedamleńniaŭ žycharoŭ na miesca prybyła avaryjnaja słužba, jakaja adnaviła pracu paškodžanych elemientaŭ sistemy.

Kamientary da artykuła