Kala hatela ŭ Damasku, dzie spyniŭsia Makron, prahučali vybuchi
Prezident Francyi pakinuŭ hatel niezadoŭha da vybuchaŭ.
U stalicy Siryi Damasku prahučali dva vybuchi niedaloka ad elitnaha hatela Four Seasons, dzie spyniŭsia prezident Francyi Emanuel Makron.
Pavodle najaŭnych źviestak, adna z bombaŭ była ŭ śmietniku, a druhaja — u aŭtamabili na darozie niepadalok ad hatela.
Vybuchi prahučali litaralna praź niekalki chvilin paśla taho, jak kartež francuzskaha lidara pakinuŭ terytoryju hatela i nakiravaŭsia da prezidenckaha pałaca. Usiu vulicu imhnienna zaciahnuła hustym dymam, a adzin z aŭtamabilaŭ achapiła połymia. Sam Makron u hety momant užo znachodziŭsia ŭ biaśpiecy i pravodziŭ aficyjnyja pierahavory z kiraŭnikom Siryi Achmiedam aš-Šaraa.
Hety vizit Emanuela Makrona staŭ pieršaj pajezdkaj lidara krainy ES u Siryju paśla taho, jak byŭ skinuty šmathadovy režym Bašara Asada.