Litoŭskija pamiežniki pasadzili adrazu čatyry kantrabandnyja drony ź Biełarusi
U noč na subotu litoŭskija pamiežniki praviali ŭnikalnuju apieracyju, adnačasova pierachapiŭšy ŭ Druskienikach čatyry bieśpiłotniki, jakija lacieli z terytoryi Biełarusi. Heta pieršy vypadak, kali stolki dronaŭ atrymałasia prymusova pasadzić adnačasova ŭ adnym miescy.
Fota: VSAT
Zdareńnie adbyłosia prykładna za 1 kiłamietr ad biełaruska-litoŭskaj miažy. Pamiežniki pačuli ŭ ciemry charakterny huk niekalkich latalnych aparataŭ, a techničnyja srodki nazirańnia adnačasova zafiksavali pavietranyja abjekty.
Supracoŭniki pahraničnaj słužby apieratyŭna vykarystali antydronavaje abstalavańnie, i ŭsie čatyry kvadrakoptery adzin za adnym upali na ziamlu. Padčas pošukavaj apieracyi ŭ lasistaj miascovaści pamiežniki znajšli i sami aparaty, i hruz, jaki jany pieranosili.
Jak vyśvietliłasia paśla padliku na zastavie, kantrabandysty sprabavali pierapravić u Litvu 5000 pačkaŭ siharet ź biełaruskimi akcyznymi markami. Košt hetaj partyi z ulikam usich padatkaŭ u Litvie składaje bolš za 27,5 tysiač jeŭra.