U Žłobinie — avaryja, horad častkova zastaŭsia biez vady
Niaspraŭnaść užo vyjavili. U dvuch kropkach horada arhanizavali padvoz vady.
Avaryjnaje adklučeńnie vodazabieśpiačeńnia adbyłosia ŭ niekalkich rajonach Žłobina.
Jak paviedamlaje Biełta, u Žłobinie na vodazabory «Lebiedzieŭka» zdaryłasia techničnaja pałomka sistemy padačy vady. U horadzie častkova niama vady.
U dvuch kropkach horada arhanizavany padvoz pitnoj vady — heta krama pa vuł. Šasejnaj, 109, i handlovy centr u mikrarajonie 16.
U horadzie stvorana kamisija pa nadzvyčajnych situacyjach. Kamisija kaardynuje pracu pa adnaŭleńni padačy vady, a taksama kantraluje situacyju z zabieśpiačeńniem nasielnictva i pradpryjemstvaŭ vadoj.
«Sacyjalnyja abjekty kruhłasutačnaha znachodžańnia zabiaśpiečany vadoj. Padvoz arhanizavany bieśpierapynna», — paviedamiŭ namieśnik staršyni rajvykankama Siarhiej Andrusieŭ.