Startap ź biełaruskimi karaniami raspracavaŭ ŠI-instrumient dla prahramavańnia
Startap Perplexity, adnym z zasnavalnikaŭ jakoha źjaŭlajecca ŭradženiec Biełarusi Dzianis Jarac, raspracavaŭ novy instrumient na bazie štučnaha intelektu dla prahramavańnia pad kodavaj nazvaj Teammate, piša Office Life.
Zdymak ilustracyjny. Fota: «Naša Niva»
Pavodle infarmacyi Business Insider, supracoŭniki kampanii vykarystoŭvajuć hety instrumient z maja 2026 hoda. Jon pryznačany dla vykanańnia składanych inžyniernych zadač, u tym liku supravadžeńnia prajektaŭ, pošuku pamyłak u kodzie i manitorynhu pracy servisaŭ. Jaho taksama vykarystoŭvali dla vyjaŭleńnia pamyłak va ŭnutranych sistemach kampanii.
Pakul nieviadoma, ci stanie Teammate dastupnym dla šyrokaha koła karystalnikaŭ. Kali heta adbudziecca, Perplexity vyjdzie na rynak ŠI-instrumientaŭ dla prahramavańnia, dzie budzie kankuryravać z Claude Code, Codex i Cursor.
Siońnia Perplexity maje bolš za 100 miljonaŭ aktyŭnych karystalnikaŭ štomiesiac, jakija vykarystoŭvajuć jaje pošukavyja i ahientnyja instrumienty, u tym liku dziasiatki tysiač karparatyŭnych klijentaŭ. Siarod inšych raspracovak kampanii — ŠI-braŭzier Comet i ŠI-ahient Personal Computer.
Čytajcie taksama:
Startap ź biełaruskimi karaniami zaklučyŭ ździełku z Microsoft na 750 miljonaŭ dalaraŭ
The New York Times padała ŭ sud na startap, zasnavany biełarusam
Zasnavany biełarusam startap źbirajecca kupić Google Chrome za $34,5 młrd